ईराच्या वाचक सौ. शालन पडवळे यांच्याशी ग्रेट भेट

सौ. शालन पडवळे यांच्या भेटीचा योग विलक्षण योगायोगच म्हणावा लागेल. ईरावर मी लिहीत असलेल्या ' गावाकडच्या गोष्टी ' हे सदर त्यांना फार आवडले यावर त्यांनी सुंदर अभिप्राय दिला; पण या अभिप्रायामध्ये त्यांचा मोबाईल नंबर दिसला. यावर मी त्यांना कॉल केला. त्यावेळी त्यांनी कोल्हापूरकडील महागाव व गडहिंग्लज या गावाशी असलेले नाते सांगीतले.आपल्या भागातील सर्व माहिती समजल्यामुळे त्यांच्याशी चांगली ओळख झाली. दीपावलीनिमित्त त्या गावी आल्या असलेमुळे गडहिंग्लज येथे मी त्यांना भेटण्यास गेलो. त्यांच्याशी छान संवाद झाला. गावाकडील अनेक गोष्टींची त्यांनी आवड सांगीतली. आपल्या शैक्षणिक व कौटुंबिक जीवनातील चढउतार यांचे अनुभव व आपल्या वाचन आवड कशी जपली यावर दिलखुलास गप्पा झाल्या. कवितेची त्यांना विशेष आवड आहे. २०२० साली त्यांनी ' शब्दफुले ' हा कवितासंग्रह प्रकाशित केला आहे. महाराष्ट्र टाईम्समध्ये त्यांचे सात ते आठ लेख छापून आले आहेत. पुस्तके वाचण्याचा छंदाबरोबर त्या जेष्ठ नागरीक संघ व विरंगुळा महिला मंडळाशी वाचनाने जोडल्या आहेत. सर्वांच्या वाढदिवासाला शुभेच्छा देणे व भेटवस्तू देण्याची त्यांची आवड खरोखरच अनुकरणप्रिय आहे.या सगळ्या गोष्टीत त्यांच्या मुलांचे त्यांना सहकार्य आहे त्यामुळे त्यांची लेखनकला व वाचन बहरले आहे.