जाणीव..(भाग २)

"हो आई, माहितीये मला. त्यासाठीच तर थँक्यू बोलले मी. खरंतर हे याआधीच बोलायचं होतं. पण उशिरा किचनमध्ये येऊन सासूच्या हातचा चहा पिणं कुठेतरी मनाला पटत नव्हतं. मला वाटलं होतं की, तुम्ही एकदा तरी मला ओरडाल. टिपिकल सासू सारखं म्हणाल की, तुझ्या आईने तुला हेच शिकवलं का? पण मला वाटलं तसं अजिबात काहीही घडलं नाही. तो माझा खूप मोठा गैरसमज होता. उलट ज्या मुली सासूची नेहमी तक्रार करत असतात त्यांना मी तुमचं उदाहरण नक्की देईल आणि एक मनातली गोष्ट बोलायची आहे, माहेरी आईला असंच सगळ्यात आधी उठून किचनमध्ये पाहायची सवय होती. रोज तुम्हाला असं किचनमध्ये पाहून सकाळ सकाळ आईच समोर आहे असं वाटतं. नवीन बदलांचा स्वीकार करायला थोडा वेळ लागतोच, हे तितकंच खरं."