जडले मातीशी नाते भाग ३

"नागपूरला तर हिरवी पिवळी, लाल मारबत आणि बडगे असायचे. म्हणजे स्त्री पुरुष रूपात मोठमोठे पुतळे... पोळ्याच्या दुसऱ्या दिवशी मिरवणूक निघायची. कुप्रथा, वाईट चालीरीती, संकट, रोगराई, समाजातील भ्रष्टाचार, वगैरे...  घेऊन जा गे मारबत म्हणत साकडे घातले जायचे. मिरवणुकीनंतर मारबत दहन केली जायची. संपूर्ण जगात, एकमेव नागपूरला ती पद्धत होती. इंजिनियरिंग च्या वेळी नागपूरला शिकायला होतो तेव्हा, जायचो मी पोळ्याच्या दुसऱ्या दिवशी मारबत बघायला. किती ती गर्दी." अमोल आठवणींच्या हिंदोळ्यावर झोके घेत होता.