किशोर वयातच इतक्या मालिका पाहून घेतल्या की आता मालिका पाहायची भूकच नाही राहिली आहे. एका अर्थाने समज आली आहे ही मालिकेत दाखवले जाणारे जग आणि आपले जग यात फार फरक असतो त्यामुळे मालिका दाखवतात त्या गोष्टींनी हुरळून जाऊन दिवास्वप्न पाहत आपला अमूल्य वेळ वाया घालवण्यापेक्षा काहीतरी चांगलं वाचावं किंवा करावं अशी विचारसरणी सध्या झालेली मात्र नुकत्याच झी टीव्हीवर सुरू झालेल्या जगदात या मालिकेची एक झळक फेसबुक वर बघण्यात आली ज्यात जगदात्री नावाची एक तरुणी साडी घालून, मोकळे केस ठेवून, हातात बंदूक धरून चालत्या गाडीवर उभी दाखवली होती. बऱ्याच दिवसांनी असे काही डोळ्यांसमोर दिसले म्हणून उत्कंठा वाढली. मग क्लिप मागे क्लिप अशा एक-दोन क्लिप बघितल्या आणि माझ्या वैचारिक मेंदू ने डोके वर काढले.
आधी तर एका साधारण त्यातल्या त्यात सावत्र आईच्या हाताखाली राबणाऱ्या तरुणीचे केस इतके चांगले कसे की ते फिरत्या गाडीवर उभे असतानाही थोडेही इकडून तिकडे झाले नाहीत? दुसरे असे की ही तरुणी आयपीएस अधिकारीची परीक्षा कशी पास झाली? सतत घरातल्या सगळ्यांच्या डिमांड पूर्ण करत असताना तिला वेळ कधी मिळाला ग्राउंडवर रनिंग करायला? आयपीएस चा अभ्यास करायला?
बरं जाऊ दे, तिने रात्र-रात्र जागरण करून अभ्यास केला असे आपण मानू. पण इथे एक तिचे रुप पाहता मेंदू ने विचारलंच, आयला इथे थोडे जरी उन्हात गेले की चेहरा कांडवतो म्हणजे टॅनिंग होते. मग ही इतक्या सगळ्या धांदलीतून जाणारी, हिला स्वतःचा चेहरा इतका सुंदर तुकतुकीत ठेवायला कसं जमलं?
नियमित ही मालिका पाहणाऱ्या मैत्रिणीला मी आपलं मत सांगितलं.
" मालिका फक्त मनोरंजन पुरत्याच पाहायच्या असतात. डोकं नाही लावायचं. " असं म्हणून तिने मला धुतकारलं. पण म्हणून काय झालं मी आपलं डोकं लावूनच राहणार.
" मालिका फक्त मनोरंजन पुरत्याच पाहायच्या असतात. डोकं नाही लावायचं. " असं म्हणून तिने मला धुतकारलं. पण म्हणून काय झालं मी आपलं डोकं लावूनच राहणार.
त्यातच एक म्हणजे जगदात्रीच्या सावत्र आईला आपल्या स्वतःच्या मुलीची जराही काळजी नाही असे मला दिसत आहे. आपण लाडात वाढवतो मुलींना पण इतके की तिला एक ग्लासही इथून तिथे ठेवायचा नाही. बरं असं तेही जाऊ दे अरे पण ज्या मुलाशी तिचे लग्न लावत आहे तो कसा आहे हे पाहायची ही तिला अक्कल नाही आहे. ज्याप्रमाणे मालिका पुढे जात आहे त्यावरून तरी असेच वाटते की जगधात्रीचे लग्न रुद्र बरोबर होणार आहे. पण तिचा रोमान्स मात्र तिच्या असिस्टंट असलेल्या शिवाय सोबत दाखवला जात आहे. म्हणजे पुढे चालून चांगलेच रडारड होणार आहे. शिवाय किती हँडसम आहे किती सुंदर आहे किती लोभस आहे. त्याचे मन तुटल्यावर तो जगदातीच्या परिवाराच्या मागे नक्की लागेल.
मुळात एका चांगल्या माणसाला विलन बनवायची पूर्ण तयारी कथेच्या लेखक व दिग्दर्शकने केलेली दिसत आहे.
प्रार्थना तर अशीच आहे की जगदात्री व शिवायचेच मिलन व्हावे परंतु आतापर्यंतच्या मालिका बघण्याच्या अनुभवावरून तरी ते अशक्यच वाटत आहे.
मालिकेच्या पुढील अपडेट साठी मला फॉलो नक्की करा व आपले या मालिकेबाबत काय विचार आहेत ते समीक्षा देऊन नक्की सांगा.
©®अर्चना सोनाग्रे
Download the app
आता वाचा ईराच्या कथा सोप्या पद्धतीने, आजच ईरा app इंस्टॉल करा