जगावेगळे श्री. आणि सौ.

सौम्या तुला हिजडा ह्या शब्दाचा अर्थ तरी माहित आहे का? तू जर मुलगी नाहीस तर त्या दिवशी तुझ्या शरिरापेक्षा जास्त जखमा तुझ्या मनाला का झाल्या होत्या. तू मुलगी नाहीस तर तू स्त्री भूमिका एवढ्या सुंदरित्या कशी पार पाडते. तू स्त्री नाही तर तू ऑपरेशन का केलंस. तुझ्यावर झालेल्या प्रसंगाने तू का खचलीस. सौम्या मला तुझ्यात फक्त एक स्त्री दिसते. मला तुझ्यात माझी जवळची मैत्रीण दिसते. तुझ्यात ती गृहिणी दिसते. तुझ्यात ती घाबरलेली मुलगी दिसते. मला तुझ्या डोळ्यात ती स्त्री दिसते. जी समाजाला सतत हेच सांगायचा प्रयत्न करत असते की मला स्त्री म्हणून स्विकारा, मला तो मान द्या जो स्त्रियांना दिला जातो. मला ती इज्जत द्या जी एका स्त्रीला असते. माझ्याकडे वासनेच्या नजरेने बघू नका. एखादा पुरुष तुझ्याकडे वाईट नजरेने बघत असेल तर तू ओढणी नीट करतेस. खाली वाकताना तू छाती जवळ ओढणी धरून खाली वाकतेस. एखाद्या अनोळखी माणसाशी बोलताना तू अंतर राखून बोलतेस. रस्ता क्रॉस करताना तू माझा हात घट्ट पकडतेस. मला हॉस्पिटलमध्ये यायला उशीर झाला की सतत मला फोन करणे. अग का स्वतःची ओळख लपवून ठेवते.