गैरसमज भाग २

त्यावर सुनबाई गोरीमोरी झाली. लेकाने मोबाईल मध्ये कॅलेंडर उघडले. आजची तिथी बघितली आणि तो मोठ्याने ओरडलाच,
" अगं, आजच सप्तमी आहे".
हे ऐकल्यावर सून म्हणाली,
" म्हणजे ती खिडकीत येऊन बसलेली जोडी आपल्या आई-बाबांचीच होती वाटतं"!
यावर लेक म्हणाला,
" कसं असतं गं तुझं काम! तुला लक्षात ठेवता येत नाही का ? आता उपाशी गेले की नाही माझे आई बाबा"?
" हो का? तुमचे आई-बाबा होते ना! मग मी का लक्षात ठेवायची तिथी ? तुम्ही ठेवायची होती ना ? आणि मला सांगायचे होते .मी नैवेद्य बनवला असता. सगळं आपलं मीच करायचे.आणि वरुन ऐकून पण मीच घ्यायचे".
"यावर त्या दोघांचे चांगलेच भांडण जुंपले. आपण दोघेजण वाट पाहत होतो की, आता आजची तिथी समजल्यानंतर तरी निदान दहीभात तरी समोर येईल. पण कसचे काय ! त्या दोघांची भांडणे ऐकून ती काही लवकर बंद होईनात हे पाहून आपणच तेथून परतलो.दिवसभराचा उपवास होताच, परतल्यावर ही काही खायची इच्छा झाली नाही ".