कथा -जाणीव भाग ३ अंतिम

चालता चालता अचानक खंड्या ची नजर एका म्हाताऱ्या वर पडली. म्हातारा एका लिंबाच्या झाडाखाली अस्ताव्यस्त पहूडलेला होता. त्याच्या अंगावरील पांढरे कपडे नुकतेच मळल्या सारखे वाटत होते. असे वाटत होते, जणू आत्ताच कुणाशी तरी झटापट झालेली असेल... त्याने म्हाताऱ्याला उठविले. त्यांचे कपडे व्यवस्थित केले. शेतातून एका मडक्यात पाणी आणून त्यांना पाजले. म्हातार्‍या ला बरे वाटले. म्हातारा मुलीकडे थोडा ऐवज घेऊन दुष्काळात मुलीला मदत करण्यासाठी निघाला असताना, वाटेत त्याला दरोडेखोरांनी लुटले होते . होती नव्हती सर्व पूंजी लुटल्या गेलेली पाहून म्हातारा अस्वस्थ झाला. खंड्या ने त्यांना धीर दिला. 'दादा! काळजी करू नका तुम्ही'! 'सही सलामत आहात ना'
'झालं तर मग'! म्हाताऱ्याने खंड्या ची चौकशी केली. दादा शिकलेले होते. त्यांच्या घरी खंड्याला त्यांनी नेले .तेव्हा त्यांच्याकडची पुस्तके पाहून खंड्या भारावून गेला. त्याने शिकण्याची इच्छा व्यक्त केली. त्याचा शिक्षणात रस असल्याचे पाहून दादांनी त्याला मनापासून शिकविण्यास सुरुवात केली. त्यांच्या वाड्यात राहून खंडू ला प्रसन्न वाटायला लागले .दादांनी त्याला लिहायला वाचायला शिकविल्या मुळे तो त्यांची सगळी पुस्तके वाचून काढू लागला.