जाणीव प्रेमाची (भाग-३ अंतिम)

"अगं, खरं तर सुरज जेव्हा तुझ्याबद्दल तसं बोलला तेव्हा मला खूप राग आला होता. ट्रस्ट मी! मी त्याला दोन ठेवून देणार होतो. पण समोर प्रिन्सिपल दिसले. उगीच लास्ट इयरला काही राडा नको होतं मला. माझ्यामुळे तुलाही विनाकारण त्रास झाला असता‌ जे मला नको होतं म्हणून मी तसं बोललो. त्या दिवशी तुझ्या डोळ्यांत पाणी पाहून स्वतःला अपराधी वाटू लागलं. मी नंतर काॅलेजच्या बाहेर त्या सुरजला खूप बोललो. त्याच्याशी मैत्री तोडणार होतो पण त्याने माफी मागितली. पण यार तू तर माझी दुसरी बाजू ऐकूनच घेतली नाहीस. सरळ अबोला धरलास आणि आता दूर  जाण्याची धमकी देतेस.  मी नाही जगू शकणार तुझ्याशिवाय. मला माझं सगळं आयुष्य माझ्या या स्वीट आणि क्यूट पांडाबरोबर जगायचं आहे, प्लीज नाही म्हणू नकोस. आय रियली लव्ह यू, शरू." तो पुन्हा तिच्या गालावर हात ठेवत तिच्या डोळ्यांत खोलवर आपली प्रेमळ नजर रूतवत अगतिक होऊन म्हणाला.