जरा विसावू या वळणावर .... भाग 1

अभिजीत वनिताताईंचा एकुलता एक मुलगा होता. घरी आई आणि मुलगा दोघेच होते. अभिजीत कॉलेजला असतानाच वडिलांचे छत्र हरवले. तेव्हापासून आईला सांभाळून स्वतःचे शिक्षण पूर्ण करून अभिजीत एका चांगल्या कंपनीत जॉबला लागला होता. परिस्थितीमुळे अभिजीतच्या स्वभावात सामंजसपणा आलेला होता. त्यामुळे आता आपल्या मुलाचे दोनाचे चार हात व्हावे ही वनिताताईंची इच्छा होती. त्यासाठी त्यांनी त्यांच्या दादा वहिनीला कामालाही लावले होते आणि त्यांनीही त्यांचे काम चोख बजावले होते.