जरा विसावू या वळणावर भाग- 6

वनिता ताईंची प्रतीक्षा संपली. दोन वर्षानंतर आपल्या मुलाला पाहून त्यांच्या चेहऱ्यावरचा आनंद ओसंडून वाहत होता. अमित आणि मयुरी आपले पार्सल बघण्यात मग्न झाले. अभि ला बघून अनुला आता खूप रिलॅक्स वाटत होते. त्याला बघून मनोमन ती सुखावली होती. अभि ही घरी आल्याने खुश होता. दोन - तीन दिवस सगळ्यांशी गप्पा मारण्याचा दोन वर्षाचा कोटा त्याने पूर्ण केला आणि तिसऱ्या दिवसापासून आपल्या कामावर रुजू झाला.
तो आल्यावर ठरल्याप्रमाणे वानिताताईंच्या डोळ्यांचे ऑपरेशन झाले. पाहुणेरावळ्यांच्या भेटीगाठी झाल्या होत्या. आल्यापासून त्याला अनुशी खूप काही बोलायचे होते पण अनु मात्र निवांत वेळ मिळत नव्हता.