कथा जुनाच संसार नव्याने भाग २

शाळेतून जाई जुई घरी आल्यात .पाहतात तर, आई अंथरूणावर तळमळत पडलेली. अंगात सणकून ताप भरलेला. दोघींनाही काय करावे सुचेना. जाई धावतच रोहिणी मावशीकडे गेली. त्या नुकत्याच कॉलेजमधून आलेल्या. जाई घाबरलेली पाहून त्या तिच्यासोबत तिच्या घरी गेल्या. रेखाताईंची अवस्था बघून त्यांना हॉस्पिटल मध्ये भरती करणे आवश्यक होते.
त्यांनी वेळ न दवडता रेखा ताईंना टॅक्सी करून दवाखान्यात पोहोचवलं. रेखाताई जवळ थांबणं गरजेचं असल्यामुळे, जाई जुईला त्यांनी गोविंद रावांसोबत घरी पाठविले.