जलद कथा-जुनाच संसार नव्याने भाग १

रोहिणी रंग रूपाने उजवीच होती. सुशिक्षित, जिद्दी आणि स्वाभिमानी. स्वतंत्र विचारांची असल्यामुळे तिच्या हुशारीचं तेज तिच्या चेहऱ्यावर झळकत होतं. म्हणूनच स्वतःचं मनपसंत करिअर घडवून, आवडीची प्राध्यापकी करून संसारात न गुंतता, एकटीने राहणं तिनं पसंत केलं होतं. लग्नाचा विषयही तिच्या मनात कधी आला नाही. तिचं आटोपशीर घर स्वच्छ शिस्तबद्ध अन् सजलेलं असायचं.