# कादंबरी – मानसी # भाग २२

in this part manasi will face one dramatic incidence

                                                             # कादंबरी – मानसी  # भाग  २२

                                                                    एक रोमांचक किस्सा

क्रमश: २१

बाबा तुषार ला फोन लावायला लागले . मोबाईल ची रिंग तर बऱ्याचदा वाजली पण तो फोन उचलेना . शेवटी बाबा मानसीला म्हणाले " अग कोणीच फोन उचलत नाहीये , जाऊ दे आपण उद्या बघू तू झोप आता "

मानसी पण म्हणा काय करू शकणार होती आता . " ठीक आहे बाबा " असे म्हणून पुन्हा ती झोपायला तिच्या रूम  मध्ये आली

मानसी ला राहून राहून तृप्ती ची काळजी वाटत होती . तृप्ती बरोबर घरी गेली असेल ना . ती ला माझी एवढी काय मदत हवी होतीं ?

मी काही चुकले तर नाही ना असे प्रश्न झोपून देईनात .

आणि तुषार ? त्याने का बरे इतके कॉल्स केले असतील ? तुषार पण ना ? आता कॉल उचलायला काय प्रॉब्लेम होता ? एवढे कॉल केले त्याने तर आता  माझा कॉल का उचलत नाहीये ?

इतक्यात मानसी चा मोबाइलला वाजला . समोरून तुषार चा कॉल येत होता .

हा मुलगा मानसी ला नेहमी संकटात टाकतो . आता पुन्हा बाबांना उठवायला जावं तर ते झोपले असतील . तिनेच उचलला तर  रात्र झालीय हि वेळ नाही त्याच्याशी बोलायची . नाही उचलावं तर तृप्ती ची माहिती मिळणार नाही . मानसीने ठरवले फक्त तृप्ती संदर्भात बोलायचे आणि विषय मिटवण्याचा . आणि तिने तुषार चा कॉल रात्री , अपरात्री उचलला

मानसी " हॅलो "

तुषार " हॅलो "

मानसी " तुझे १० मिस्ड कॉल होते मोबाईल वर म्हणून मगाशी कॉल केला होता .काय झालंय ?

मानसीला इतका राग येत होता तुषार चा ती मनातल्या  मनात म्हणाली  अरे गाढवा  बोल कि पटपट माझ्या बाबांना कळलं कि मी आता बोलतेय तर तुझी काही खैर नाही .

तुषार एकदम हळू आवाजात  " मानसी तुला तृप्ती चा आज काही कॉल आला होता का ?"

मानसी " हो आला होता , मला मंदिरात भेटायला बोलवत होती , पण मी तिला सांगितले होते कि नाही येऊ शकत "

मानसी ला हा कॉल पटपट संपवायचा होता म्हणू पटापटा सांगत होती .

मानसी " का काय झालं ? कशी आहे ती ?

तुषार  रडवेला  आवाजात -  " तेच तर माहित नाहीये ना , मी शोधतोय तिला "

मानसी  " म्हणजे ? काय बोलतोस ? नीट सांग तुषार लवकर सांग ? इकडे मला टेन्शन येतंय "

तुषार " काही नाही ग , चल ठेवतो , "

मानसी : एक मिनिट …असं अर्धवट सांगून काय ठेवतोस .

तुषार " माझंच चुकलं " आणि तुषार ने आवंढा गिळल्याचा आवाज आला .

मानसी " तुषार , तृप्ती कुठे आहे ?

तुषार "  नाही ना माहित , तिलाच तर शोधतोय , संध्याकाळ पासून मला भेटली नाही . मी खूप शोधलं तिला .

मानसी " अरे फोन लागत नाहीये का तिचा ?

तुषार " नाही ना ?

मानसी " कुठल्या मैत्रिणीचा नंबर आहे का ?"तिला कॉल करून बघ

तुषार "  माझ्या कडे एकाच मैत्रिणी चा नंबर आहे ती पण तिला काहीच माहित नाही "

मानसी " तो नंबर मला  पाठव "

तुषार " पाठवतो "

दुसऱ्या मिनिटाला तुषार च्या मोबाइल वरून मानसीच्या मोबाईल वर मेसेज आला त्यात त्या मुलीचं  नाव आणि नंबर होता

मानसी म्हणाली “ ५ मिनिटात कॉल कर मला मी कॉल करून बघते “

मानसीने वेळ काळ न बघता त्या मुलीला फोन केला

मानसी " हॅलो मी तृप्ती ची मैत्रीण बोलतेय , तू स्वाती बोलतेस का ?

स्वाती  " हो "

मानसी  - " स्वाती ,तृप्ती चा काही कॉन्टॅक्ट झाला का आज ? ती घरी गेली नाहीये , जर काही माहिती असेल तर लवकर सांग , कारण आम्ही आता पोलीस कंप्लेंट करायला जातोय . जर तुला माहित असेल तर सांग , किंवा जे माहितेय ते सांग ?

स्वाती " अ .... आ ....

मानसी " स्वाती प्लिज लवकर सांग किंवा  तिच्या अजून मैत्रिणीचा नंबर असेल तर दे "

स्वाती " ऐक ना  मानसी ... तू कोण आहेस ?

मानसी : मी तिची फॅमिली फ्रेंड आहे . मी तुझं  नाव अजिबात कोणाला सांगणार नाही . पण जर पोलिसात गेलो तर मला तुझं नाव घ्यावं लागेल "

स्वाती " हि तृप्ती पण ना ,,, मला उगाच अडकवलंन तिने “

मानसी " म्हणजे "

स्वाती " म्हणजे , तृप्ती च नि तिच्या दादाचं  आज दुपारी भांडण झालं , कशावरून ते मला नाही  माहित . पण ती खूप अपसेट होती आज . संध्याकाळी गणपतीच्या मंदिरात ती मला  भेटली होती . "

मानसी " मग आता  कुठे आहे ती ?"

स्वाती " तिला तिच्या भावाचा खूप राग  आला  होता सो त्याला अद्दल घडवायला ती म्हणाली आज  तिला घरी नाही जायचंय "

मानसी " मग कुठे गेली ती ?"

स्वाती " माझ्या घरी राहायला चल म्हटलं तर म्हणाली , तुझं घर दादाला माहितेय , तो लगेच येईल तिथे " आणि तसच झालं मगाशी दादा आला होता .त्याला तिने मला सांगायला लावले कि तिला या संदर्भात काहीच माहित नाही "

मानसी : स्वाती ऐक ना , तृप्ती कुठे आहे ? ठीक आहे ना ?

स्वाती " हो ठीक आहे , माझ्या शेजरी आमची एक कॉमन फ्रेंड तनुजा राहते . तिच्या घरी आहे "

मानसी " तनुजा चा नंबर आणि पत्ता दे "

मानसी ने तनुजा चा नंबर आणि पत्ता मिळवला

मानसी " थँक्स स्वाती , बाय , उद्या बोलू डिटेल मध्ये " आणि स्वाती चा  फोन कट केला .

दुसऱ्या मिनिटाला तनुजाला फोन लावला

मानसी "हॅलो मी मानसी बोलतेय ,  तृप्ती ची फॅमिली फ्रेंड  बोलतेय "

तनुजा " हॅलो  मानसी ताई बोल

मानसी " अच्छा म्हणजे तू मला ओळखतेस ? तृप्ती  कुठे आहे?मला बोलायचं आहे तिच्याशी .

तनुजा " एक मिनिट , तृप्ती कडे  देते "

तृप्ती " हॅलो !

मानसी " तृप्ती कशी आहेस ? बरी आहेस का ?

तृप्ती " तशी बरी आहे ?तू का आली नाहीस ग मला भेटायला ?

मानसी " मी तुला कारण सांगितलं होतं "

तृप्ती " पण माझी पण काहीतरी मजबुरी असेल ना "

मानसी " आता  हा विषय आपण नंतर बोलू .. तुझा दादा खूप टेन्शन मध्ये आहे ? तुला माहिते का ? चार तास शोधतोय तुला ? रडायला आलाय "

तृप्ती " रडू दे त्याला , त्याला  शिक्षा आहे ती , मला समजून घेत नाही , मी  माझे प्रॉब्लेम घेऊन दादाकडे नाही तर कोणाकडे जाणार ?

मानसी " तृप्ती , घरातले प्रॉब्लेम असे मैत्रिणींसमोर डिसकस नसतात करायचे , तुझा मोबाइल चालू कर आणि एक दादाला फोन कर कि तू इथे आहेस आणि सुरक्षित आहेस ते त्याला कळव . बस  झाली शिक्षा ?

 मानसी च्या आवाजात एक प्रकारचा अधिकार आला होता . तृप्ती तिच्या पेक्षा तशी खूप लहान होती त्यामुळे ती कदाचित अधिकारवाणीने बोलली असेल .

तृप्ती " ठीक आहे .

मानसी " तू आधी तुझ्या दादा ला कॉल कर .

तृप्ती " यस ! यस ... लगेच करते

मानसी ला तृप्ती शी बोलल्यावर खूप बर वाटलं. ती सुरक्षित आहे हे कळल्यावर जिवा त जीव आला "

पुढे तिने तुषार ला पण कॉल केला नाही . तृप्ती ला च कॉल करायला सांगितला होता . आणि ती तो करणारच होती याची ग्यारंटी आली होती . तरी पण  तिने  तुषार ला तनुजा पत्ता आणि नंबर मेसेज करून ठेवला

थोड्याच वेळात तुषार चा मेसेज आला

थँक उ हे शब्द फारच कमी आहेत. ... सॉरी तुला त्रास दिल्या बद्दल ...

मानसी ने मेसेज वाचला पण काहीच रिप्लाय दिला नाही . आणि अंगावर चादर ओढून शांतपणे झोपून गेली

तुषार , तृप्ती , आणि मानसी यांच्यातला हा किस्सा फार रोमांचक तर होता . पण मानसीला आणि  तुषार ला खूप काही शिकवून गेला .

तृप्ती अल्लड होती . तिला  थोडा वेळ देऊन समजून घ्यायला पाहिजे होत. आज नशीब ती मैत्रिणीकडे राहायला गेली होती . अशा वेळी डोकं  जर नीट नाही वापरलं तर काहीतरी विपरीत   घडलं असतं .

असो आता हा  किस्सा तुषार आणि मानसीच्या नात्याला सुरुवात करतो का नातं सुरु होण्याच्या आधीच संपवतो

देवास ठाऊक !

🎭 Series Post

View all