# कादंबरी – मानसी  # भाग २६

माझ्या आईच्या भावाच्या  भावाची सून  एकुलती एक मुलगी आहे  . रोज सकाळ संध्याकाळ आई शी मोबाईल वर बोलत असते. सारखं तिला माहेरची ओढ . सासू शी जरा पण जुळवून घेत नाही . हे सगळं पाहता आई च्या डोक्यात आधी पासूनच हे बसलं होतं कि मी एकुलती एक असलेली मुलगी सून म्हणून करणार नाही . जेंव्हां तुझ्या बाबांचा पहिला फोन आला होता तेव्हाच ती  तुला बघायला यायला तयार नव्हतीं . पण बाबांनी तुझ्या बाबांना शब्द दिला होता म्हणून ते म्हणले बघायला काय हरकत आहे . त्यांना वाटलं कि आधी मुलगी बघून घेऊ मग काहीतरी कारण सांगून नकार कळवू असा विचार करूनच आम्ही सर्व आलो होतो .

झालं असे आम्ही इतके casually तुमच्याकडे आलो होतो . पण जेव्हा प्रत्यक्षात तुला पहिले तेव्हा सर्वांना तू आवडलीस . मला वाटलं तुला बघितल्यावर आई पण तिचं  मत बदलेल पण आई काही तिचं  मत बदलत नव्हती . तिच्या समोर एक ताज उदाहरण होत . तिला वाटे ह्याच मुलीवर काय अडलय ? आपण तुषार च लग्न  माझ्या पसंतीच्या मुलीशीच लावायचं .

बाबांनी आई ला समजावण्याचा खूप प्रयत्न केला.

पण आई काही तिचा हट्ट सोडायला तयार नव्हती . आई  बाबांची वादावादी झाली . आणि आई ची तब्बेत बिघडली .तिला असे वाटायला लागलं कि सून यायच्या आधीच हे तिघे एकत्र झाले आणि ती एकटी पडली . या टेन्शन ने ती आजारी झाली . पुढचे १० दिवस तिची तब्बेतीकडे बघण्यातच गेले . ह्या सगळ्या प्रकरणात तुम्हाला फोन करून काय सांगणार होतो तूच सांग .

मग आई आणि बाबा गावाला निघून गेले आणि आईने माझ्या साठी तृप्तीला इथे ठेवली होती . तृप्ती माझं रोज डोकं खायला लागली तू मानसीला भेटून विश्वासात घेऊन सांग . म्हणून मी तुला पहिला फोन केला होता . तेव्हा तू नाही असे सांगितल्यावर माझ्या लक्षात आले कि तू पण अशी लगेच भेटणार नाहीस . तू तुझ्या दृष्टीने बरोबर होतीस .

तृप्ती हट्टास पोहचली दादा तू काहीच करत नाहीस. तू तिला कॉल का करत नाहीस आता मीच तिला कॉल करत आहे आणि मला न विचारता तिने तुला कॉल करून मोकळी झाली . आणि तुला भेटायला देवळात बोलवत होती . मी तिला झापलं आणि ती रागावून घरातून निघून गेली आणि मला म्हणाली मी आता त्याच्या घरी जाते डायरेक्ट आणि तिला भेटून सगळं सांगते. आणि थोडा वेळ मागून घेते त्यांच्याकडून . मला वाटलं कि ती जाईल थोडा वेळ मैत्रिणींकडे आणि येईल संध्याकाळी पण ती आलीच नाही घरी . पुढचं काय ते सगळं तुला माहीतच आहे.

आता माझ्या समोर मी आई ला तुझ्या साठी कशी मनवावि  हाच मोठा प्रश्न आहे . आणि आई ला दुखवून मी काहीच करू शकत नाही . आधीच आई ची तब्बेत ठीक नाहीये आणि प्रत्येक आई ची आपल्या मुलाच्या लग्नाची , होणाऱ्या सुने बद्दलची काही स्वप्न असतात . ती ह्या  गोष्टी साठी तयार होईल कि नाही ? हे सध्या तरी मला माहित नाहीये .

हे झालं आई च पण आता माझं काय ? मला  आता तुझ्या शिवाय कोणी दिसत नाही . मला लग्न फक्त तुझ्याशीच करायचंय . आता  यातून कसा मार्ग काढायचा हेच कळत नाहीये . तू च बोल  ?

तुषार हळू हळू त्याच्या आयुष्याचं  एक एक पान उलगडत होता .सांगता सांगता त्याच्या डोळ्याच्या कडा ओलावल्या .