कडीकुलूप (भाग:-१)

आनंदीचे नुकतेच लग्न झाले होते. त्यामुळे तिला या घरातील नियम, अटी, कायदे  जास्त काही माहिती नव्हते. तिची सासू सुषमा थोडी जुन्या विचारांची आणि तिच्या पद्धतीत कोणी बदल केलेले तिला अजिबात आवडत नव्हते. हम करे सो कायदा असंच काहीस होतं तिचं. तिच्या म्हणण्यानुसार सगळं घर चालायचं. त्यात थोडा जरी बदल झाला तरी ती सगळं घरं डोक्यावर घ्यायची. अगदी खाण्या पिण्यातही तिची रोखठोक असायची. ती सांगेल तेच प्रत्येकाने खाल्ले पाहिजे, असा तिचा निग्रह आणि कटाक्ष असायचा. छोट्यातली छोटी वस्तू मग ती वापरात व उपयोगी नसली तरी ते टाकून न देता तशीच ठेवण्यात ती धन्यता मानायची.