कलंक प्रेमाचा - अंतिम

" मला माफ करा साहेब. मला फक्त प्रिया आवडायची पण तिच्या पेक्षा तिची फिगर जास्त आवडायची. पण ती स्पर्श सुद्धा करू द्यायची नाही.. लग्न झाल्याशिवाय स्पर्श करायचा नाही अशी अट तिने ठेवलेली पण मला हिच्यासोबत लग्न नव्हतं करायचं. हिच लग्न झालं कळताच तिला ब्लॅकमेल करायच आणि आपला डाव साधायचा एवढाच हेतू होता माझा. म्हणून कालच बेंगलोर वरून आलो. हिने नंबर बदलला पण ऑफिस नाही. सकळी हिच्या ऑफिसच्या बाहेर जाऊन उभा राहिलो. प्रिया गाडीतून बाहेर उतरताच ती ऑफिसला जायचं सोडून दुसरीकडेच कुठे तरी जाऊ लागली. मी हिचा पाठलाग करत करत तिच्या घरी पोहचलो. घरी ती एकटीच होती ह्याची चौकशी मी तिच्या शेजारी राहणाऱ्या काकूंकडे केली. त्यांना फक्त मी प्रिया कुठे राहते विचारलं पण ह्या वेळेला ती कामावर असेल असं त्यांनी सांगितलं. घरी कोणीच नसेल अस त्या काकु बोलल्या. पण तरीही मी जाऊन बघतो एकदा म्हणून मी मुद्दामून पुढे आलो कारण मला माहित होतं प्रिया घरीच आहे. घरी जाताच मी हिच्या जवळ जाण्याचा प्रयत्न केला. पण ह्या शरीरावर फक्त आणि फक्त रोहनचाच हक्क आहे. जर मी रोहनची नाही तर कुणाची नाही म्हणून तिने स्वतःच तिचा हात कापला. मी घाबरून पळून आलो. बाकी मी हिच्यासोबत काहीही केलेलं नाही.. तुम्ही हिला विचारू शकता तसं.. " ऋषीने स्वतःचा गुन्हा कबूल केला.