कमावती भाग-१

माझ्या घरामध्ये मोठ्या माणसांना उलटे बोलण्याचे संस्कार नाहीत, परंतु त्याचा आता गैरफायदा घेतला जातो. असेच मला वाटत आहे, तसेच आपल्या थोरल्या जावेला सुद्धा आदराने बोलावे, हे तर मनिषाला समजतच नाही. तुम्ही सुद्धा कोणी काही तिला बोलत नाही. का?  तर फक्त ती कमावती आहे, म्हणून?  तुम्हीच मला बोलला होतात ना, की माझा पगार पुरेसा आहे. त्यामुळे तुला नोकरी करायची गरज नाही. भाऊजींचा पगार कमी आहे, म्हणून ते दोघेजण कमावत आहेत. मग सांगा यात माझा दोष काय आहे?" रडतच आपली व्यथा विजया आपल्या नवऱ्यासमोर मांडत होती.