कानाला खडा

मोहित एक क्लर्क म्हणून काम करत होता. तर सोनल गृहिणी. मध्यमवर्गीय कुटुंब. त्याचे आईवडील गावी राहत होते. नोकरी निमित्त मोहित आणि सोनल शहरात भाड्याच्या घरात राहत होते. तिला उंची कपडे आणि दागदागिन्यांचे खूप आकर्षण होते. कोणाकडे एखादा दागिना पाहिला की आपल्याकडेही तसाच दागिना असावा असे तिला नेहमी वाटायचे. मोहितही तिच्या ह्या अपेक्षा त्याच्या पगारातून पूर्ण करू शकत नव्हता. कधी कधी तो तिला त्यातूनही मार्ग काढून घेऊन द्यायचा. पण तिच्या मागण्या काय कमी होत नव्हत्या.