कर्तव्य ( भाग ३ अंतिम )

ट्रेंडिंग कथा: आईपणाची कसोटी

2 वर्षाचा तनु पोळ्या लाटतांना सविताच्या पायाजवळ घुटमळत होता..रडत होता..आई घे घे म्हणून साद घालत होता. त्याचीही चूक नव्हतीच म्हणा, कालपासून सर्दीने त्याला हैराण केलं होतं. कसंबसं औषध देऊन त्याला शांत केलं होतं. पण सकाळी सर्दीने त्याला लवकर जाग आली आणि तो आई आई करू लागला.

सकाळी नवऱ्याच्या डब्याची धावपळ, सासूबाईंना नाष्टा लागत असे, एकीकडे भाजी, दुसरीकडे पोळ्या आणि नाश्त्याची तयारी ही सगळी धावपळ असायची. एरवी तनु झोपलेला असायचा त्यामुळे ही कामं होऊन जायची, पण आज सविताची चांगलीच तारांबळ उडत होती.

"हो..हो..हो बाळा, घेते तुला..थोडं थांब.."

असं म्हणत सविता घाईघाईने पोळ्या लाटत होती, तिकडून नवऱ्याचा डबा डबा म्हणून घाई सुरू होती.

सविताने शेवटी तनुला उचललं आणि कडेवर घेत शांत केलं. काही केल्या तो शांत होईना, इकडे डबा भरायचा होता..एका कडेवर तनु आणि दुसरीकडे डबा भरणं सुरू होतं. उपमा करण्यासाठी कढईत रवा भाजायला टाकला होता.

सविताने हॉलमध्ये tv बघत असलेल्या सासूबाईंकडे तनुला दिलं आणि म्हणाली,

"आई याला थोडावेळ घ्या, मी कामं उरकून घेते.."

पण तनु काही केल्या ऐकेना, सासूबाईंनी दोन मिनिटं त्याला घेतलं पण ऐकत नाही म्हणून त्याला परत खाली ठेवलं, तनु परत रडत रडत आईजवळ गेला.

"माझ्याकडे काही राहत नाही बाई हा.."

"बरं आई मी घेते त्याला, तुम्ही हा एवढा डबा भरून द्या आणि उपम्याचं बघा.."

असं म्हणत सविताने तनूला घेतलं आणि ती त्याला पाजायला खोलीत जायला निघाली तोच सासूबाईंचे शब्द कानावर पडले,

"काय त्या पोळ्या, माझं लेकरू अश्या कच्च्या पोळ्या कश्या खातो काय माहित..डबा भरायला एवढा वेळ लागतो होय? कामाचं जीवावर येतं दुसरं काय."

हे सगळं तिचा नवरा ऐकत होता, त्याला राग आला आणि तो खोलीत गेला..सविता बेडवर झोपून तनूला पाजत होती.

"सकाळी सकाळी झोपा काढताना लाज नाही वाटत? तिकडे आईला कामं करावी लागताय, एवढही होत नाही तुझ्याकडून?"

सविताला रडू आलं. एक चांगली सून, चांगली बायको बनण्याच्या नादात तिने कुठल्याही कामात कमी ठेवली नव्हती. सगळं काम स्वतःवर ओढवून घेतलं होतं आणि त्यामुळे तिला गृहीत धरलं गेलं होतं.

दुसऱ्या दिवशी तनुला ताप आलेला.तो मोठमोठ्याने रडत होता..

पूर्ण वाचा लिंकवर
https://irablogging.com/blog/aaipanachi-kasoti_44979