कर्तव्य. अंतिम भाग

एके दिवशी सीमाचे मिस्टर आपल्या कामासाठी बाहेर जात होते.आपली गाडी काढतच होते;तेवढ्यात अर्चनाचा मुलगाही बाहेर जाण्यासाठी त्याची गाडी काढत होता.अर्चनाच्या स्वभावासारखाच तिच्या मुलाचा व मुलीचा स्वभाव होता.आईचे वागणे पाहून तेही तसेच सर्वांशी वागत होते.गाडी काढता काढता सीमाच्या मिस्टरांची आणि अर्चनाच्या मुलाची अचानक नजरानजर झाली. सीमाच्या मिस्टरांना त्या मुलाच्या डोळ्यात, वागण्यात अहंमपणा,गर्विष्ठपणा जाणवला.आमचे कोणीच काही करू शकत नाही. असा अटिट्यूड त्याच्यात दिसत होता आणि त्याच अटिट्यूड मध्ये तो गाडी घेऊन बाहेर गेला.सीमाच्या मिस्टरांना एक फोन आला म्हणून ते फोनवर बोलू लागले.फोनवरचे बोलणे झाले आणि मग तेही आपली गाडी घेऊन बाहेर निघाले. सोसायटीच्या बाहेर गेल्यावर,थोडे अंतर गेल्यानंतर रस्त्यावर त्यांना लोक जमा झालेले दिसले. नक्कीच काही तरी झालेले आहे. या मानवी विचाराने आणि माणुसकीच्या नात्याने त्यांनी तेथे जवळ जाऊन पाहिले..तर.त्यांना तिथे अर्चनाच्या मुलाचा अपघात झालेला दिसला.वेगाने गाडी चालवण्याच्या त्याच्या सवयीमुळे त्याचा अपघात झालेला होता.त्याच्या हातापायाला लागलेले होते.तो बोलण्याच्या स्थितीत नव्हता. जमलेले लोक त्याला मदत करत होते.त्याची स्थिती पाहून सीमाच्या मिस्टरांनी त्याला पटकन जवळच्या हॉस्पिटलमध्ये नेले आणि त्याच्या आईला फोन करून सांगितले. त्याची आई घरी नव्हती. कामासाठी बाहेर गेलेली होती. ती हॉस्पिटलमध्ये आली तोपर्यंत तिच्या मुलावर डॉक्टरांनी उपचार सुरू केले होते.