कस्तुरी भाग ३२

रुपाला देखील शशांकने आपल्या कडे असे बघत गाणे आवडू लागले. ती त्याच्या कडे पाहून लाजली आणि हळूच आपल्या नजरा चुकवून इकडे तिकडे पाहू लागली. परत तिने चोरट्या नजरेने शशांककडे पाहिले. तेव्हा तो तिला पाहून गालातल्या गालात हसत होता. दोघांची नजरानजर होताच दोघांच्याही हृदयाची धडधड वाढत होती. नकळतच रुपाचे पाय थिरकत होते. ती त्याच्या गाण्यावर टाळ्या वाजवत त्याच्याबरोबर गुणगुणत होती.