केतकी (भाग ३)

" यश,आज मला आईबाबांची खूप आठवण आली. तू सकाळी रागाने निघून गेलास. मला खूप एकटं एकटं वाटत होतं. यश मी तुझ्यावर विश्वास ठेवून मी माझ्या आई बाबांना सोडून आले आहे. जेव्हा तू असा राग राग करतो तेव्हा मला फार त्रास होतो. असं वाटतं माझं ह्या जगात कोणीच नाही. मला खूप एकटं वाटतं .त्यात आईंना मी आवडत नाही. पाहिलेस ना निघताना कशा म्हणाल्या तुझ्या बायकोला जेवण बनवायला सांग. त्या माझं नाव घेऊन बोलू शकत होत्या ना? तू देखील प्रेमविवाह केला आहे . मुलगा म्हणून त्यांनी तुला माफ केले मग माझ्याशी असे विक्षिप्तपणे किती दिवस वागणार?"