कथा : खरा गुन्हेगार ! पार्ट 1

रात्रीचा प्रहर होता. गार वारा सुटला होता. छावणीतल्या एका तंबूत जवळपास चौदा वर्षाचा मिसुरडेही न फुटलेला कोवळा किशोरवयीन मुलगा खुर्चीवर बसला होता. तो थरथरत होता. घाबरत होता. मग पन्नास वर्षाचा एक प्रौढ अफगाणी व्यक्ती त्या तंबूत शिरला. मद्याच्या नशेत असलेला तो व्यक्ती त्या कोवळ्या मुलाला पाहून हसला. जसे लांडगा आपल्या शिकाऱ्यास पाहून क्रूरपणे हसतो तसे. त्याने त्या मुलाचा हात पकडला आणि त्याला जवळ खेचले. एखाद्या कळीला कुरतडून काढावे तसेच तो त्या मुलाचा उपभोग घेऊ लागला. तो लहान मुलगा किंचाळत होता. पण कुठे न कुठं त्यालाही ठाऊक होते की त्याच्या मदतीला कुणी नाही येणार. कारण आता तो एक गुलाम होता. उस्मानने त्याला विकत घेतले होते. त्या मुलाच्या आईवडिलांना रोख रक्कम देऊन. पण त्या रात्री जणू ईश्वराने त्या लहान मुलाची आर्त हाक ऐकली. एक अमेरिकन जवान तंबूत शिरला. घडत असलेला प्रकार पाहून त्या अमेरिकन जवानाच्या तळपायाची आग मस्तकात गेली होती. मनात आक्रोश निर्माण झाला. त्याने उस्मानला बेदम मारहाण केली आणि सोहेलची सुटका केली. तो अमेरिकन जवान " जोसेफ " होता.