खरा गुन्हेगार ! पार्ट 2

" कम्युनिस्ट विचारसरणीपासून वाचवण्यासाठी तुम्ही जिहादचे भूत बाहेर काढले ? तुम्हाला ठाऊक नाही का एकदा जिहादचे भूत दिव्यातून बाहेर पडले की ते परत सहजासहजी आत जात नाही. तुम्हा मोठ्या राष्ट्रांसाठी हे विचारसरणीचे युद्ध जरी असले तरी आम्हा गरीब लोकांना त्याच्या झळा सोसाव्या लागतात. आणि प्रामाणिकपणे सांगा. हे नक्की विचारसरणीचेच युद्ध होते का ? की अमेरिकेला रशिया अफगाणिस्तान , इराण, इराक इथे आपला प्रभाव वाढवेल आणि मिडल ईस्ट आपल्या ताब्यातून जाईल याची भीती वाटत होती ? मीडल ईस्ट म्हणजे तेलासाठा. म्हणून त्याने अफगाणिस्तानवर युद्ध लादले. पाकिस्तानला अर्थसाह्य करून मुजाहूदीन तयार केले. तालिबान अप्रत्यक्षपणे अमेरिकेचेच संतान आहे. " सोहेल म्हणाला.