खरंच असं घडलं! _भाग २

अनिल एकदम बारीक आणि उंचीने ठेंगणा असल्यामुळे तिथे त्याला "अन्या बारक्या" या टोपण नावाने सगळे ओळखत होते.  पोलिसांनी तेथील मॅनेजरला त्याचा पत्ता विचारला.  त्याचा तसा पत्ता कोणाला माहित नव्हता. त्यानंतर सर्वांची माहिती असलेले रजिस्टर मागवण्यात आलं आणि त्यातून अनिलचा पत्ता पोलिसांनी घेतला.  अनिल सांताक्रुजला रामबाग येथे राहत होता.  ज्याला साधारण सांताक्रुजची माहिती होती अशा एका कामगाराला पोलिसांनी बरोबर घेतलं आणि ते त्याचा पत्ता शोधत निघाले.  रामबाग मध्ये आल्यावर पुन्हा अनिल मोहिते कुठे राहतो असं विचारलं पण कोणालाच त्याच्याबद्दल काही माहिती नव्हतं.  पोलिसांना पाहून चार दोन लोक त्यांच्या जवळ आले.  त्यांना पण मोहिते कुठे राहतो काहीच माहित नव्हतं.  बरोबर आलेला कामगार म्हणाला,