खेळ - बारा ते तीन (भाग - २)

पुन्हा घरघर सुरू झाली आणि त्या पडद्यावर चलचित्रे सुरू झाली. जुन्या काळातील अभिनेते-अभिनेत्री एकाच वेळी त्या मोठ्या पडद्यावर विविध अभिनय करताना दिसत होते. खुर्च्यांवर अनेक सावल्या टाळ्या वाजवत, शिट्ट्या मारत, किंचाळत चित्रपटाला दाद देत होत्या. नक्की काय सुरू आहे हे अखिलला समजत नव्हते. अचानक चित्रपट सुरू काय होतो आणि अदृश्य प्रेक्षक चित्रपट बघायला उपस्थित काय होतात हे त्याच्या कल्पनेच्या पलीकडे होते. तिथे इतका सगळा गोंधळ सुरू असताना अखिल कुणाच्या खिजगणतीत देखील नव्हता.