कोण होती ती भाग २

आपण जो बिजनेस सांभाळतो आहे तो आपल्या आजोबांचा म्हणजेच आईच्या वडिलांचा होता. पप्पा
आजोबांकडे नोकरी करायचे. आपले जन्मदाते वडील, त्यांचं नाव मला माहित नाहीये. त्यांचं आणि आपल्या आईचं कधीच पटलं नाही. आई सतत तिच्या माहेरीच असायची, त्यामुळे आपल्या कोणालाही आपले जन्मदाते वडील किंवा त्यांचं घर आठवत नाहीये. तेच अधूनमधून इकडे येऊन रहायचे. आईला तिच्या सासरी राहणं कधीच आवडलं नाही. आपल्या जन्मदात्या वडिलांना ते घर सुटत नव्हतं आणि त्यांना आईही हवी होती, म्हणून ते काही दिवस इकडे, काही दिवस तिकडे असे रहायचे.