कोणाच्या खांद्यावर कोणाचे ओझे.. अंतिम भाग

" मी तुला उत्तर द्यायला बांधिल नाही.. तरिही सांगते. मी म्हटलं तसं मला बघायचे होते की तुला माझ्याबद्दल काही वाटते का? पण नाही.. जी स्त्री तुला सर्वस्व द्यायला तयार होती तिच्याकडून तुला सगळंच फक्त ओरबाडून घ्यायचे होते. मी ते ही सहन केले असते. पण तुझा स्वभाव.. नाही. नको तो संशय मनी बाळगून तू किती त्रास देऊ शकतोस याची चुणूक दाखवलीस तू मला. मी इथे राहिले ते तुला जाणिव करून द्यायला की आपल्याला कोणी फसवले तर कसे वाटते.. मी फक्त तुझे तिकीट मिहीरला मिळवून दिले तर तुला एवढा राग आला.. तू तर माझ्या आयुष्याशी खेळलास. जो हक्क तुला कधीच नव्हता. तुला माहित होते मी माझ्या योग्य जोडीदार शोधण्यासाठी इतके वर्ष थांबले होते पण तिथेही तू तुझ्या क्षणिक मोहापायी माझ्या आयुष्याची वाट लावलीस. मी इथून जाणार तर आहेच पण सोबत जाताना तू जी माझ्यावर जबरदस्ती केलीस त्याचा अंश घेऊन चालले आहे. आणि त्याच्यापासून आयुष्यभर दूर राहणे हीच तुझी शिक्षा असणार आहे."