पुनर्विवाह (कृष्ण सखी)-१८६

दोघे एका पलंगावर असतात. दिवस-रात्र कधीही वेळ भेटला की त्यांची गुटुर गुटुर चालू होते. अगदी नवरा बायको सारखेच वागतात आणि हल्ली हल्ली तर बाहेर पडणाऱ्या पावसापेक्षा घरात चोवीस तास प्रेमाचाच पाऊस पडत होता. ‘आरु आरूच्या’ ऐवजी आता ‘सखी सखी’ ऐकू येत होतं आणि या सगळ्याची साक्षीदार स्वतः सोनाई होती. तिच्या मनाला उगाचच कुतूहल! त्यांच्यात सगळं आलबेल आहे ना? नवीन आयुष्याची सुरुवात केलीये ना? त्या दोघांपेक्षा तिलाच नातीची भारी घाई!