पुनर्विवाह (कृष्ण सखी)-२०१

स्वतःच्याच धुंदीत गोल गोल फिरताना तिची पांढरीशुभ्र कंबर क्षणासाठी त्याला बघून पुन्हा पदरात लपली मात्र तिच्या ओघवत्या दर्शनाने कृष्णाच्या काळजात चुळबुळ झाली. नजर जशी की मोहात पडली. तिचा नाजूक देह, तिचं स्त्री-सौंदर्य वाऱ्यामुळे त्याच्या नजरेसोबत लपंडाव खेळू लागले. क्षणासाठी त्याला पाहून पुन्हा हवेवर स्वार होऊ पाहणाऱ्या तिच्या पदरात लपू लागले. हे कमी होत म्हणून तिच्या चेहऱ्यावरचं ते खळखळत हसू अगदी पांढऱ्या शुभ्र धबधब्यासारखंं नजरकैद करणारं! कृष्णा तिची एक एक लोभस अदा पाहताना आपोआपच तिचा होत होता.