क्षण मोहाचा, काळ प्रीतीचा भाग १८

'नर्मदा सदन'मधील त्या जुन्या लाकडी खिडक्यांमधून आता संध्याकाळची सावली अधिकच गडद जाणवू लागली होती. तन्मयने नेहमीप्रमाणे गॅलरीत आपली जागा पकडली होती, पण आज त्याच्या हातात गिटार नव्हती. त्याचं पूर्ण लक्ष समोरच्या रस्त्यावर आणि हातातील मोबाईलकडे होतं. साक्षीचा ऑफिस सुटण्याचा वेळ होऊन आता दोन तास उलटले होते, पण तिचा अद्याप कोणताही पत्ता नव्हता.