क्षण मोहाचा, काळ प्रीतीचा भाग ४१

सकाळचे दहा वाजले होते. पुण्यातील सेनापती बापट रोडवर असलेल्या ओरियन टॉवर्सच्या त्या अवाढव्य काचेच्या इमारतीवर सूर्याचे किरण चमकत होते. या इमारतीच्या गेटपाशी एक साधी काळी बाईक थांबली. आलिशान गाड्यांच्या रांगेत ती टॅक्सी थोडी विसंगत वाटत होती, पण त्यावर स्वार झालेला माणूस मात्र कोणाही 'कॉर्पोरेट टायकून'पेक्षा कमी वाटत नव्हता. पांढरा कडक इस्त्रीचा शर्ट, गडद निळी पँट, डोळ्याला चष्मा आणि हातात एक लेदरची फाईल.तन्मय बाईक वरून उतरला तेव्हा त्याच्या चेहऱ्यावर कमालीचा शांत पण भेदक आत्मविश्वास होता.