लडक़ी का चक्कर मौत से टक्कर पार्ट 6 अंतिम भाग

त्यानंतर रुद्र फार कमी वेळा लोकांना भेटत होता. तो दारू , ड्रग्स याच्या प्रचंड आहारी गेला. अनेकदा लोकांनी त्याला " घरटे " बंगल्यात रात्री-अपरात्री दारू पिताना बघितले होते. कदाचित उध्वस्त झालेल्या स्वप्नांचे तुकडे जमा करत असावा तिथे. एकेकाळी सिक्स पॅक अब्स असलेल्या रुद्रचे वजन आता कमी झाले होते. त्याचे मित्र त्याला नैराश्यातून बाहेर काढायला आटोकाट प्रयत्न करत होते पण रुद्रला स्वतःलाच या सर्वांमधून बाहेर यायचे नव्हते. त्याचे पुण्य अपार होते. असंख्य गरिबांना त्यांनी मदत केली होती. मित्रांवर सढळ हातांनी पैसे उडवले होते. म्हणून सर्वजणच त्याची अवस्था बघून हळहळत होते. काहींनी सुचवले की समिधाला शोधून आणू पण रुद्रने ती सुखात तर मी सुखात म्हणून विषय संपवला. एकेदिवशी तो रात्री दारू पिऊन बुलेट चालवत होता. त्याला दोन्ही हात पसरवून बोलावणारी समिधा दिसली. रुद्र हसला आणि एक ट्रक येऊन त्याला धडकली. रुद्र संपला. त्याच्या देहातून प्राणपाखरू उडाला. थोड्या वेळाने पोलीस वगैरे जमा झाले. तिथे कुणाच्या तरी मोबाईलची रिंगटोन वाजली.

0