लैला भाग २

दुसऱ्या दिवसापासून मी शोधमोहिमेला लागलो. मला पारखणारी नजर कोणाची आहे ते पाहण्यासाठी... त्यादिवसापासून खूप फरक पडला होता.  वर्गातील बऱ्याचशा मुली स्वतःहून बोलू लागल्या.... मला नोट्स देऊ लागल्या..... माझे काम अजूनच कठीण झाले...प्रत्येक मुलीकडे मी संशयाने पाहू लागलो.... नोट्स देणाऱ्या मुलींना वगळू लागलो. कारण त्यांचे अक्षर जुळत नव्हते कार्डमधल्या अक्षराशी... मग ज्यांनी नोट्स दिल्या नाहीत त्यांच्या वह्या त्यांच्या नकळत पाहू लागलो.... काही मुली मी वही पाहायच्या आतच ओढून घेऊ लागल्या.... मग त्यांना हॉटलीस्टमध्ये ठेवले..... त्यातल्या दोघींवर माझा संशय बळावला.. ... कारण त्यातली एकतर मला टक लावून बघत बसायची.......... तिचे नाव होते 'अश्विनी साने'.  हुशार होती.. पण थोडी काकूबाईच होती.. आणि दुसरी होती 'स्मृती ठाकूर '... ती सिंगर होती. हिंदी गाण्यांचा शौक होता तिला. रोझकार्डमध्ये दिल तो पागल है चित्रपटातील गाण्याचे कडवे लिहिले होते... ते गाणे तिने कॉलेजच्या गाण्याच्या स्पर्धेत गायले होते.... आणि तिला प्रथम पारितोषिक मिळाले होते..... तिचे अभिनंदन करणाऱ्यांत मी सर्वात पुढे होतो... तिने हसून धन्यवाद बोलत ते स्वीकारले होते.