लता मंगेशकर

लता मंगेशकर या हिंदी आणि मराठी चित्रपटसृष्टीतील ख्यातनाम गायिका आहेत. त्यांना भारताची गानकोकिळा म्हणून ओळखला जाते.
लतादीदींचा जन्म २८ सप्टेंबर १९२९ रोजी मध्यप्रदेशातील इंदूर येथे झाला. त्यांचे वडील मास्टर दीनानाथ मंगेशकर हे मराठी नाट्य संगीताचे प्रसिद्ध गायक होते. प्रसिद्ध गायक आणि संगीतकार पं. हृदयनाथ मंगेशकर हे त्यांचे सख्खे भाऊ असून प्रसिद्ध गायिका आशा भोसले व उषा मंगेशकर या त्यांच्या बहिणी आहेत.
५० च्या दशकात त्यांच्या कारकिर्दीची सुरुवात झाली. त्यानंतर पुढील सहा दशके त्यांनी आपल्या मधुर, मखमली आवाजाच्या जादूने अवघ्या भारताला वेड लावले.
त्यांनी ९८० पेक्षा अधिक हिंदी चित्रपटांची गाणी गायली. त्यांची \" ए मेरे वतन के लोगो \" सारखे देशभक्तीपर गीत तसेच \" गुमनाम है कोई \", \" लग जा गले \", \" कही दीप जले कही दिल \", \" जब प्यार किया तो डरना क्या \", \" मन क्यू महका \", यांसारखी हिंदी भावगीते लोक आजही आवडीने ऐकतात.
\" मोगरा फुलला \", \" अरे अरे ज्ञाना झालासी पावन \", \" भेटी लागी जीवा \", \" आजि सोनियाचा दिनू \" सारखे मराठी अभंग आणि \" सुन्या सुन्या मैफिलीत माझ्या \", \" मी कात टाकली \", मेहेंदीच्या पानावर \" इ. मराठी गीतेही अतिशय लोकप्रिय झाली.
त्यांनी विसाहून अधिक भारतीय प्रादेशिक भाषांमध्ये गाणी गायली.