लावण्या भाग 2

       पुरोहित बंगला आज लाइट्सने उजळून निघाला होता. ब्लॅक आणि व्हाईट थीम असावी कारण सगळीकडे तोच रंग दिसत होता. गालिचे, पडदे, टेबल खुर्च्या अन् तिथे वावरणाऱ्या प्रत्येक व्यक्तीच्या अंगावरचे कपडे देखील तश्याच रंगाचे इतकंच नव्हे तर तिथे ठेवलेला तो भला मोठा लेअर केक देखील ब्लॅक आणि व्हाईटच होता... जो तो हातात ड्रिंक घेऊन गप्पा मारण्यात मग्न होता... त्यात बरीचशी कपल, लेडीज, जेंट्स सगळेच होते आणि विशेष म्हणजे सगळेच कसे हायफाय दिसत होते... एकंदरीत त्यांचे कपडे, स्टाईल, मेकअप, बोलण्याची लकब तरी तशीच होती. म्युझिक सिस्टिमवर मंद संगीत चालु होत... कोणततरी फंक्शन असावं... अरेंजमेंट तशीच तर होती. असा हा राजेशाही थाट; म्हणायला हरकत नाही कारण घराणं पुरोहितांच होत. व वाडवडिलांपासूनच मिळालेला हा थाट... असो.