लावण्या भाग 3

संगमरवरी चकचकीत फरशी.... सोफा सेट, भिंतीवर टांगलेल्या तऱ्हेतऱ्हेच्या महागड्या पेंटिंग्ज... वरती भले मोठे झुंबर जणू सगळीकडे नजर ठेवतेय... मधोमध ठेवलेला भला मोठा डायनिंग टेबल... हळुहळु एकेक पुरोहित टेबलवर येऊन नाश्त्यासाठी ठान मांडत होता. आशिष पुरोहित म्हणजे राजचे वडील उजव्या बाजूने लकवा मारल्यामुळे नेहमी व्हील चेअर मधे असायचे मिसेस पुरोहित त्यांना घेऊन येतं होत्या. टेबलवर आधीच देव पुरोहित आणि श्रेया पुरोहित म्हणजे राज चे भाऊ बहिण उपस्थित होते. एवढीच ती काय पुरोहित फॅमिली... अरे हो... अजुन दोघे बाकी होतें फॅमिली पुर्ण व्हायला ... नाही का,? न्यू कपल... राज पुरोहित... रिया पुरोहित.