लावण्या भाग 4

        आठवडाच झाला होता 'लावण्या'च्या त्या घटनेला.... त्याचाच शोक करत राज पेगवर पेग मारत होता. अवेळी तिथे पोलिस नसते आले तर तो तिचा अंतिम संस्कार तरी करु शकत होता... पण नाही... सायरनचा आवाज ऐकून ही तिथे थांबण्याचा मूर्खपणा तो करु शकत नव्हता... खोट्या प्रतिभेची, सन्मानाची पांघरलेली शाल त्याला ढासळू द्यायची नव्हती म्हणूनचं त्यानें तिथून पळ काढला होता... तोच विचार त्याला अजूनही भेडसावत होता. तोच एक शॉर्ट ब्लॅक स्कर्ट... त्यावर व्हाईट टी शर्ट घातलेली बारटेंडर त्याला सर्व्ह करायला आली... नजर उचलून त्याने एक क्षण पाहिलं अन् तो पाहतच राहिला... शॉर्ट हेअर कट.... घारे डोळे.... तिचा हेवी मेकअप.... अन् तिच्या अदा... इथेच भेट झाली ती रिया आणि राज पुरोहित या दोघांची.... तिच्यासारखी सुंदर... शोधूनही सापडली नसती... तिला पाहताच घायाळ झाला होता तो... तिने मात्र डायरेक्ट लग्नाचीच अट घातली होती अन् ती अट ही राजने मान्य केली होती... घरच्यांना म्हणजे मिसेस पुरोहित यांना हे लग्न मुळीच मान्य नव्हत. त्यांच्या मते पुरोहित घराण्याची सून घरंदाज हवी... पण राजच्या पुढे कोणाचं काहिच चालणार नव्हत. देव पुरोहित मात्र रियाला पाहून पुरता वेडा झाला होता. पुरोहित घराण्याचा तो छोटा वारस होता पण त्याला कोणीच किंमत देत नव्हते. हा त्याचा गैरसमज...सगळी सत्ता राजच्याच हाती... त्यामुळें याला कोणी विचारणारे ही नव्हते. हाच डुख मनात धरून त्यानें राजलाच संपवण्याचा निर्णय घेतला होता.... एकदा का राज संपला की पॉवर सत्ता अन् रिया देखिल त्याचीच होणार होती हा त्याचा गोड गैरसमज होता... म्हणूनचं त्यानें चक्क राजला कॉल वर धमकी दिली... सिम काढून कचऱ्यात फेकून दिले.... पण ते सिम त्या डस्टबिन मधून कोणीतरी उचलले  अन् व्यवस्थित ठेवले...
***