लावण्या भाग 5 (अंतिम)

           सगळीकडे नुसता धुमाकूळ माजला होता. पुरोहित बंगल्यातील बर्थडे पार्टीची वर्दळ क्षणात नाहीशी झाली होती. बंगल्यात ठिकठिकाणी क्राईम अलर्ट जारी केला होता... साऱ्या शहरात एकच खळबळ उडाली होती... टिव्ही वर एकच न्यूज चालु होती.... प्रख्यात बिझनेसमन राज पुरोहित यांची हत्या... हत्या की आत्महत्या?.... पुरोहित बंगल्याच्या बाहेर पोलिस गाड्या उभ्या होत्या. आतापर्यंत जो जो पार्टीला आला होता त्याची चौकशी, छाननी करूनच बाहेर सोडले होते... पुरोहित परिवाराचा माहोल तर वेगळाच होता. मिसेस पुरोहितची हालत बिघडली होती तर श्रेया कमालीची घाबरली होती. व्हील चेअर वर बसलेल्या राज च्या वडिलांच्या चेहऱ्यावरील एकही रेष हलली नव्हती... चेहरा अगदीच निर्विकार दिसत होता तर देव पुरोहित मात्र पुरता गोंधळून गेला होता... के. के ची अन् बाकी लोकांची पण काही वेगळी अवस्था नव्हती... पण या सगळ्यांत रिया मात्र कूठे दिसत नव्हती. अन् तिच चर्चा देखिल तिथे भलतीच रंगली होती.