लेखाजोखा.. २०२५

या गत वर्षाने मला संयम शिकवला. प्रत्येक गोष्ट लगेच सुटत नाही. प्रत्येक प्रश्नाचं उत्तर त्या क्षणी लगेच मिळत नाही हे शांतपणे स्वीकारायला शिकवलं. संवादाचं महत्त्व कळलं तसंच मौनाचंही. जुनीच नाती या वर्षी वेगळ्याच नजरेने नव्याने पाहिली. जवळचे असूनही दूर असलेले लोक समजले आणि फार बोलत नसतानाही सोबत उभे राहणारेही. सगळ्यांनाच दोष देणं थांबलं. काही वेळा स्वतःला समजून घेणं जास्त गरजेचं वाटलं. आवडत्या नावडत्या सर्वांना स्वीकारलं. ज्यांना मी आवडत नाही त्यांचंही अस्तित्व आहे. तेही याच जगाचा भाग आहेत हेही स्वीकारलं. त्यांचं असणं स्वीकारलं.