लेखिका अपर्णा परदेशी : कार्यकुशल व कुशल संघटक व्यक्तिमत्व

यावर्षिच्या चॕम्पियन ट्राॕफीमुळे अपर्णाजी यांची ओळख झाली. स्पर्धा सुरु झाली. गीतांजलीजी , राखीजी, मुक्ताजी,विद्याजी , भाग्यश्रीजी रितिकाजी आणि मी असा संघ लिखाणास सज्ज झाला. या संघाची धुरा अपर्णाजी यांच्यावर सोपवली गेली. सुरवातीपासूनच अपर्णाजी यांनी जबाबदारीने संघात काम सुरु केले. विविध टास्क वेळेत पुर्ण करण्यात त्यांनी नेहमी मार्गदर्शन केले. सातत्यपूर्ण लक्ष ठेऊन संघात कायम संवाद व उत्साह निर्माण केला. कौटुंबिक जबाबदारीतून अतिशय काळजीपूर्वक लेखन केले. स्पर्धेत सर्वात जास्त साहित्य त्यांच्यातील उत्साहामुळे प्रसारीत झाले. संघातील प्रत्येक लेखकाला विविध पुरस्कार मिळाले. त्यांना उत्कृष्ट कॕप्टन पुरस्काराने गौरवण्यात आले. सर्वोत्कृष्ट यशस्वी संघ हा पुरस्कार त्यांच्या कल्पक नेतृत्वामुळे संघाला मिळाला आहे.चॕम्पियन स्पर्धेने आम्हाला त्यांच्या रुपाने एक शिस्तबद्ध व उत्कृष्ट कर्णधार मिळाला. संघासाठी त्यांनी अपार मेहनत व कष्ट घेतले. सांघीक लेखनातून त्यांच्या मार्गदर्शनातून खूप शिकायला मिळाले.