लेखिका रोहिणी बांगर : बहारदार लेखनाचे नवे आशास्थान

रोहिणी नक्षत्र आणि शेतकरी यांचं नात खूपच सुंदर आहे. शेतकरी शेतीची सगळी मशागतीची कामं रोहिणी नक्षत्राच्या अगोदर करुन घेतो. मशागत झाल्यानंतर शेतक-यांना वेध लागतात पेरणीचे..! रात्रीच्या आकाशात एक झगमगाट चमकत असतो. शांत चांदण्यात याचे सौंदर्य अधिकच खुलुन दिसते. याच रोमहर्षक वातावरणात गावाकडील शिवारात नवचैतन्य उसळलेले असते. नव्या आशेच्या पालवीने मन उभारी घेते.शेतकरी मोठ्या आनंदाने पेरणीसाठी सज्ज असतो. धरतीमाता नव्या अंकुरासाठी आतुरलेली असते. रोहिणी नक्षत्रात सृष्टीचा साजच बदलतो. तिचं हे मोहक रुप धरतीच्या किमयेने अधिक बहारदार बनते. समृद्धीची बरसात करणारे हे रोहिणी नक्षत्र आशेचा उगम देण्याचा शुभ संकेत देते. अशाच रोहिणी नक्षत्रासारखे ईरावर लेखणीतून पखरण करणाऱ्या आदरणीय रोहिणी बांगर या चतुरस्र लेखिका आहेत.