अवकाळी पाऊस आणि तक्रारदार

काय खळबळ माजवलीस रे, खरचं विश्वासचं बसत नाहीये. म्हणजे सर्व तुझी आठवण उन्हाळ्यानंतर काढतात आणि तू तर अचानकच आलास. आलास ते आलास आणि किती जोरात बरसत होतास. अवकाळी नाही तर अवखळ आहेस तू. तुला खूप आनंद झाला असेल ना असे पडून पण आमच्या शेतकरी राजाची तुला थोडी पण दया नाही आली का रे? पूर्ण जगाचा तो पोशिंदा आणि फक्त तुझ्यापुढेच त्याने हात टेकले. त्याचा तो चिंतातुर झालेला चेहरा आणि पीक येण्यासाठी घेतलेले कर्ज पाहून खूप वाईट वाटले. त्याच्यासाठी त्याचे पीक हे फक्त पैशाचे साधन नाहीये, स्वतः च्या पोरावानी तो त्याची काळजी घेतो. आता तुझ्या ह्या अवेळी पावसाने त्याची मेहनत वाया गेली. तू तरी त्या निष्पाप असलेल्या शेतकऱ्याचे पुन्हा नुकसान करू नकोस.