लोका सांगे ब्रह्मज्ञान आपण कोरडे पाषाण भाग-१

ज्यांच्या घरी त्या आधी गेलेल्या होत्या, तिथे बाकीचे कसे वागतात, हे सुद्धा त्यांनी बघितलेले होते. काहींनी तर एकत्र भेटायचे, म्हणून आधीच सुनांना सांगून ठेवले होते. काहींच्या सुनांना एवढ्या दहा बायकांचा नाश्ता करायचा म्हणजे जीवावर यायचं, म्हणून त्यांनी आधीच नकार दिलेला होता. काहींच्या सुना नोकरी करणाऱ्या होत्या, त्यामुळे त्यांना जर त्यांच्या सासूने आधी त्रास दिला असेल, तर त्यांच्याशी निगडित असणाऱ्या त्यांच्या मैत्रिणीबद्दल काही करण्याबाबत त्या नेहमीच निरुत्साही असायच्या, ह्या त्यांच्या वागण्या बोलण्यावरून दिसायचे.