प्रेम! एका अनामिक वळणावरचं... भाग-७५

" मला 0% पण डाऊट नाहीये सार्थक कधी त्याच्या कर्तव्य आणि प्रेमात कमी पडेल यावर... हे रिती रिवाज किंवा परंपरा म्हणून ठीक आहे. आयुष्यात पहिल्या नजरेत मला भावलेली व्यक्ती म्हणजे सार्थक तू आहेस. अगदी गौरवीच्याही आधी, हे तर तुलाही माहित आहे. पण आज जो दिवस आहे तो येईल की नाही याबाबत मी साशंक होतो. But man you are easily cross our approximations. सगळ्या गोष्टी संयमीपणाने तू हाताळला आणि तू तुझ्या परीक्षेत फक्त पासच नाही तर टॉपर ठरला आहेस. हेच आजच्या दिवसाच्या या रिझल्ट वरून क्लिअर होतंय. या प्रथेनुसार मी तुझा तर कान पिळेनच. पण त्यासोबत गौरवीचाही कान धरेन. कारण संसार दोघांचा असणारे, त्यात सगळं एकमेकांसोबत वाटून घेताना स्वतासोबत समोरच्याचाही विचार करावा लागणारे. आणि आमच्या समानतेच्या तत्त्वानुसार मी तुम्हा दोघांचाही कान पिळतोय. कधीच एकमेकांना अंतर देऊ नका. " दिग्विजय त्या दोघांच्या मधोमध बसत भावोत्कटपणे बोलत होता. आणि त्याने दोन्ही हातात त्या दोघांचा एकेक कान पकडला.