प्रेम! एका अनामिक वळणावरचं.. भाग-७६

इतके दिवस गजबजून गेलेल्या वातावरणात राहिल्यामुळे ती शांतता त्याला वेडावत होती. इथे आल्यापासून सगळ्यांची बडबड खेचाखेची चालू होती. पण यात त्याने एक गोष्ट नोटीस केलेली ती म्हणजे गौरवी दिग्विजयचं अचानक शांत होणं. काय झालं असेल त्यांना... ते कसल्या तरी विचारात बुडालेले आहेत हे त्याला कळत होतं. पण त्यामागचं कारण त्याला गवसत नव्हतं. कदाचित रिसेप्शन मध्ये काही राजकीय मंडळी आलेली,  त्यांच्यासोबत झालेल्या संवादात काहीसे डिस्टर्ब असावेत का ते?? सार्थक विचार करत होता. पण तेवढ्यात अचानक त्याच्या खांद्यावर कुणीतरी हात ठेवला. तसं त्याने दचकून मागे बघितलं.