मनापासूनचं प्रेम जे असते, निरागस, निर्मळ, नि खरं!

यात एक नवीन रूप वाढलंय ते
लिव्ह-इन रिलेशनशिप आणि व्हर्च्युअल प्रेम.
लिव्ह-इनमध्ये दोन माणसं एकत्र राहतात, पण हेही प्रेम तेव्हाच सुंदर होतं,
जेव्हा त्या नात्यात स्वार्थ नसतो, हिशेब नसतो,
फक्त सोबत असते, विश्वास असतो, आणि एकमेकांना समजून घेण्याची भावना असते.
शरीराच्या जवळीकीतून नाही, तर मनाच्या जवळीकीतून जे नातं उभं राहतं…
तेच खरं लिव्ह-इन प्रेम.
आणि व्हर्च्युअल प्रेम तर आजच्या जमान्याची नवी कथा…
स्क्रीनवरून बोलताना मन जुळतं,
हजारो किलोमीटर अंतर असलं तरी भावना जवळ येतात.
पण व्हर्च्युअल प्रेमही तेव्हाच खरं असतं,
जेव्हा त्यात फसवणूक नसते, खोटं प्रोफाइल नसतं,
फक्त एका मनाचं दुसऱ्या मनाशी जुळलेलं खरं नातं असतं. दिखावा, फोटो फिल्टर, स्टेटस या गोष्टी त्यात नाही,
तर सत्य, प्रामाणिकपणा आणि निरागस विश्वास असतो.