लव ट्रँगल भाग १९

       "नील....आहे ना आत?... की बाथरूम मध्ये आहेस?...."आई बाहेरून ओरडते तसा नील पटकन जाऊन दरवाजा उघडतो.
       " अरे किती वेळ वाजवत आहे बेल...काय झालं बाळा, तब्येत तर ठीक आहे ना?" आई नीलच्या कपाळाला हात लावून विचारते.
   "हो हो आई... ठीक आहे मी. पण तू इतकी का घाबरली आहेस?... नीलच्या स्वरात काळजी स्पष्ट दिसत होती.
   "घाबरू नाहीतर काय करू...अरे नऊ वाजून गेलेत.. एवढा वेळ झोपला होतास म्हणून काळजी वाटली. आणि हे काय डोळे किती सुजलेत... शिवाय लाल ही दिसत आहेत. रात्री जागरण केल होतस काय?... आई नीलला विचारते तसा तो थोडा चपापतो.
     "अं....ह...ते ऑफिसच काम होत ना त्यामुळे थोडा लेट झालो झोपायला... बाकी काही नाही. "—नील.
    "बर असुदे...काळजी घेत जा. आणि जास्त जागरण नको करू. बघितलस ना किती वेळ झाला उठायला. चेहरा सुद्धा किती बिघडला आहे बघ. निघते मी आता आवरून ये खाली नाश्ता करायला. " अस बोलून आई खाली निघून जाते. रोज पहाटे उठून वर्कआउट करणारा नील आज खरोखरच लेट झाला होता. त्यामुळे पटापट आवरून तो ही नाश्त्यासाठी खाली हॉलमध्ये निघून जातो.