लव ट्रँगल भाग २०

            "कस शक्य आहे?...... जे हव होत आणि जे आता नको ही आहे....तेच माझ्या आयुष्यात पुन्हा घडतंय....आजपर्यंत मी फक्त आणि फक्त त्या गोष्टीच स्वप्नं बघितल आणि त्याला स्वप्नच राहू दिलं....त्याच स्वप्नात मी जगलेही आणि कधीच मरले सुद्धा होते.... कधीच त्या स्वप्नाला पूर्ण करण्याचा अट्टहास नव्हता माझा ना की अपेक्षा होती.... मनापासून आवडली होती ती व्यक्ती, पण कधीच तिला मिळवण्याची इच्छा नव्हती.... ही अशक्य गोष्ट शक्य होईल?.... ना... कधी विचारही केला नव्हता.... बाबां नी जेव्हा तुझं नाव घेतल धडधड वाढलेली हृदयात पण महत्प्रयासाने कंट्रोल केल स्वतःवर.... आवर घातला मनाला....
                 मला माहित आहे, खुप प्रेम होत तुझं आशूवर... कदाचित तिचही असाव... पण आजही मी तुला मनोमन जपलय... प्रेम केलय... हो प्रेमच... ज्याचा तुला किंचितसाही अंदाज नव्हता... एक अस प्रेम केलय ज्यात तुला मिळवण्याची तिळमात्र अपेक्षा नव्हती... मध्यंतरीच्या काळात तुझं नी आशूच काय झालं मला काहीच माहित नाही... आणि त्यात मला इंटरेस्ट ही नाही... पण त्यावेळी तुझं आशू वर असणाऱ्या असीम प्रेमाची जाणीव मला सतत व्हायची... खुप यातना व्हायच्या या मनाला... पण जे आपल्या नशिबात नाही त्याबद्दल जास्त विचार करण आणि व्यक्त होण मी तेव्हाच सोडून दिल होत. पण आज तेच नशीब फिरून मला इशारा करतय... ही एक नशिबाने दिलेली संधी म्हणू की दुसर काही... आणि जर ही संधीच असेल तर मी इतकी संधीसाधू नाही... कारण त्यावेळी तर तू माझ्याकडे ढुंकूनही पहात नव्हतास... आणि आज त्याच मुलीशी तुला लग्न कराव लागतंय... तुझ्याकडूनच काय माझ्याकडून सुद्धा हे शक्य होणार नाही... आणि माझ स्वप्न... जे मी तुझ्या नंतर मनात साठवलेल, ते मी कधीच धुळीस मिळू देणार नाही...
               विचार करत होती ती... हो तीच ती... प्राची.  जिने नीलला पाहिल्यापासून त्याच्यावर प्रेम केल होत. प्रेम.... एकतर्फी प्रेम.... पण या एकतर्फी प्रेमाची भनक
सुद्धा लागू दिली नव्हती.
-----------------------------‐---------------------‐--