लग्नानंतर च प्रेम भाग ३

तिनं टिफिन बेडवरच आणून दिला. तो जायला निघणार, तेवढ्यात त्याने हाक मारली — “अनघा...”
तिच्या तोंडून त्याने पहिल्यांदाच तिचं नाव घेतलं होतं. तिने मागे वळून पाहिलं, “काय?”
“Thank you... काल रात्रीसाठी. मला खरंच खूप टेन्शन आलं होतं पैशाचं. पण माझ्याकडे पैसे आले की, मी तुला ते थोडं-थोडं करून देईन. आणि आर्वीची काळजी घेण्यासाठी... माझी मदत करण्यासाठीही thank you.”
“आणि sorry... जे झालंय ते मी बदलू तर शकत नाही. पण तुला मी कोणत्याही गोष्टीमध्ये अडकवणार नाही. मला माहितेय, लग्नाआधी तू जॉब करत होतीस. तुला करायचं असेल तर तू करू शकतेस. तुझ्यावर माझी किंवा घराची कुठलीही बंधनं नाहीत. पैसे घरात द्यावेत असंही नाही. तुला जेव्हा वाटेल तेव्हा तू माझ्याशी बोलू शकतेस. आईशी मी बोलेन, पाहिजे तर...”